ماتت حروف / الشاعر فلاح السيد
ماتت حروف
الرسايل من زمان
وحتى شوگي أندفن
من أخر محطات أنتظارك
گمت أسميك الغريب
ومالي حيل أتنوع
وأنطر قطارك
هسه مشكوره
المسافات البعيده
الكشفت أسباب أعتذارك
حتى وجهك ماهو ذاك
وبيرك المضموم
ما حافظ أسرارك
مات وجدانك
ولا صحوة ضمير
وهجم ليلك وانه
أستاحش نهارك
ترعش وبيدك
سچاچين الجحود
وأنه حاير بين
سچينك ونارك
أخ من چانون غيضك
أخ من جمرة شرارك
اخ من ذكراك ساطوره
اعله گلبي .. وتعبتني
اخ من سنين عمري
وأخ يا غم گلبي
من راد اختيارك
هسه قيد بجدمي
أذا رايدني أشوفك
هسه تستغربني
اذا شافتني دارك
لا طواريك تردني
لا بعد شوگك يهزني
ولا يعطشني سمارك
هذا حدي اوياك كافي
ما أريد اسمع اخبارك
فلاح السيد / بغداد العراق
Commentaires
Enregistrer un commentaire