من كسرتي الضيم/الشاعر فلاح السيد

 من كسرني الضيم 

عكازه اشتريتك  

اتوچه مره ومره أطيح

بساعة العازه صبر

شو ما لگيتك 

غافلتني هبوب ريح ..

ادري مامش 

وفه بگلبك 

ياصليب تبسمرت

روحي عليه 

وانه تانيتك تجيني

اتجيبلي شارة مسيح ..

الدنيه غشتني وشفت 

طاريك چذبه 

وليل وحشه 

وماي خابط 

من اموتن ما اشربه 

وزمت روحي ونسيتك 

خاف من لحظة ضعف

اركض واجيك 

خاف تسبگني الچلم 

واحتار بيك 

لملمت حزني ومشيت 

شگد رسمت اعيونك

ويمهن بچيت 

اواسي روحي 

الخلف بالله 

يدري الله 

شگد صبر گلبي عليك 

شهكة المخنوگ 

والمالوم صوت    

وانته والحسبات مطبوع

اعله ريتي 

منين ما اكترك 

تفوت 

چنت بعروگي 

نبع ماي اشتريتك

هسه اشوفن 

روحي يونس وانته

حوت 

يل چنت ويه النفس 

دخان أشربك گوه 

والطعنات موت ..

فلاح السيد