مات بيه الشوک/الشاعر فلاح السيد

 

مات بيه الشوگ 

ما چنك معاي

من عرفتك حاط 

سچين بگفاي 

من حچيت بلايه ذمه 

وسولفت عني وراي  

مايهمني شما گلت 

وشما تگول 

عدل ما غشيت

من أول صباي 

ما أغثن صاحبي 

ولاني جحود

ولا مشيت بغير رأي

وعندي راي 

ياخذ عيوني النجيب

أبن الأصول 

وما أعز أعليه

لو رايد غطاي  

فطن لأول جارحه

وما گلت ليش

ودري ليشك

بعد ما ترهم دواي

غمج جروحي

صبور وما أگول 

شما جنيت وياي

ما يطفه ضواي 

فلاح السيد