اصبر /الشاعر فلاح السيد /العراق
أصبر عالوكت لا بالعجل وطيح
وحبس دمعتك خافن يشوفونك …
وصعد للسمه وظل ناطر النجمات
لابد نجمه تمسح دمعة عيونك …
عاتب للتوده بهمس موش بغيض
برد حيل اليغيضك وال يكرهونك ...
تعال أبريك من كل الجنيته وياي
من قسوة گليبك من حچي ضنونك …
بعدني أحتاملك وعطش طيوفك شوف
بعدني تگـول عـني النـاس مجنونك …
يهل تبخل عليه بل هـلا من الگاك
محتاجك تگلي بغربتي شـلونك …
فلاح السيد
Commentaires
Enregistrer un commentaire